കെസ്‌നിക്കിന്റെ ക്യാമ്പസ് തിരുവനന്തപുരം പി.ടി.പി. നഗറില്‍ 3.65 ഏക്കര്‍ ഭൂമിയില്‍ നിലകൊള്ളുന്നു. ഇവിടെ സീഫ് ടെക്‌നോളജി ഉപയോഗിച്ച് നിര്‍മ്മിച്ച മാതൃക കെട്ടിടങ്ങള്‍ പൊതുജനങ്ങള്‍ക്കും, എഞ്ചിനീയറിംഗ് വിദ്യാര്‍ത്ഥികള്‍ക്കും, ഗുണഭോക്തക്കള്‍ക്കും, നയ നിര്‍മ്മാതാക്കള്‍ക്കുമെല്ലാം കണ്ടു മനസ്സിലാക്കുന്നതിനും പഠിക്കുന്നതിനുമായ രീതിയില്‍ രൂപകല്‍പ്പന ചെയ്ത് നിര്‍മ്മിച്ചിട്ടുള്ളവയാണ്.
ഓഫീസ് കെട്ടിടങ്ങള്‍ക്കുപുറമേ ലൈബ്രറി, ഓപ്പണ്‍ എയര്‍ ഓഡിറ്റോറിയം, കോണ്‍ഫറന്‍സ് റൂം, അതിഥി മന്ദിരങ്ങള്‍, നാലുകെട്ട്, അറയും പുരയും, മണ്‍വീട്, പ്രീ ഫാബ്, വീട് തുടങ്ങിയ കെട്ടിടങ്ങള്‍ ഉണ്ട്. ഓപ്പണ്‍ എയര്‍ ഓഡിറ്റോറിയം, കോണ്‍ഫറന്‍സ് റൂം, അതിഥി മന്ദിരങ്ങള്‍, ക്ലാസ് റൂം എന്നിവ പൊതുജനങ്ങള്‍ക്ക് മിതമായ നിരക്കില്‍ വാടകയ്ക്ക് ലഭ്യമാണ്.